Nateco Impex ma`suliyati cheklangan jamiyatiga 2017-yilda asos solingan. Dastavval, kompaniya O`zbekistondagi mahalliy korxonalarga ziravorlar, quritilgan sabzavotlar va mag`izlar yetkazib berish bilan shug`illangan. 2018-yildan boshlab xo`l va quritilgan sabzavotlar, ziravorlar, mevalar, dukkakli mahsulotlar va mag`izlarni eksportini yo`lga qo`ygan. Korxona faoliyati jadallik bilan rivojlanib, mahsulotlar savdosi, hamkorlar soni va eksport geografiyasi tobora o`sib bordi. Natijada, 2019-yilda Namangan shahrida joylashgan Yuksalish kichik sanoat zonasidan 1,05 gektar yer maydon olinib, qishloq xo`jaligi mahsulotlarini qayta ishlashga ixtisoslashgan ishlab chiqarish korxonasi qurilish ishlari boshlandi. 2021-yilga kelib qurilish ishlarini birinchi bosqichi tugatilib, korxona o`zining barcha sharoitlarga ega xususiy ishlab chiqarish binosi, omborxonasi, ofisi va ilg`or dastgohlariga ega bo`ldi.

Hozirda korxonamizda 12 nafar doimiy va 40 nafar mavsumiy ishchilar faoliyat yuritib kelmoqdalar. O`zbekistondagi 4 ta yirik ishlab chiqarish va qayta ishlash zavodlari, 30 dan ortiq fermer xo`jaliklari va xususiy bog` egalari bilan doimiy hamkorlik yo`lga qo`yilgan. Natijada O`zbekistonda yetishritilgan va qayta ishlangan 32 turdagi turli xil qishloq xo`jaligi mahsulotlar dunyoning 16 mamlakatiga yetkazib berilmoqdan. Qolaversa, O`zbekiston ichki talabini qondirish uchun chet davlatlaridan turli-tuman yuqori sifatdagi ziravorlar import qilinib, mahalliy ishlab chiqaruvchilarga yetkazib berilmoqda.
Korxonamizning asosiy maqsadi – Doimiy yuqori sifatdagi mahsulotlarni hamyonbop narxda yetkazib berish. Hamkorlarimizni talab va takliflarini inobatga olgan holda, ularga bozordagi eng optimal takliflarni berish va mavaffaqiyatga birgalikda erishish.